أهمية التدريب على السلامة للعاملين في مواقع البناء
في مواقع البناء، ما في شي أهم من إن الكل يرجع آخر اليوم سالم مهما كانت سرعة العمل أو ضغط المشروع، السلامة هي الأساس، لكن كثير من العمال ما زالوا يعتقدون أن السلامة معناها خوذة ونظارة وقفازات، بينما الحقيقة أبسط وأعمق من كذا، السلامة تبدأ من الوعي، من طريقة التفكير قبل ما تبدأ الشغل أصلًا.
الوعي أهم من المعدات:
السلامة ما تجي من الورق ولا من اللوحات اللي معلّقة في الموقع، تجي من الفهم، العامل اللي يعرف كيف يتصرّف وقت الطوارئ، واللي يلاحظ الخطر قبل ما يصير، هذا اللي يحمي نفسه وزملاءه فعلًا، وهذا ما يصير إلا بالتدريب المستمر، مو مرة وحدة في السنة وينتهي الموضوع.
التدريب يقلل الأخطاء قبل ما تصير:
من يشتغل في الميدان يعرف في بيئة مليانة رافعات وحديد وخرسانة ومعدات ثقيلة، الخطأ الصغير ممكن يسبب ضرر كبير، عشان كذا التدريب على الصحة والسلامة المهنية وقاية، الدورات الجيدة تعلم العامل كيف يستخدم الأدوات صح، وكيف يتعامل مع المواد، وكيف يتصرّف إذا صار تماس كهربائي أو سقوط أو حادث مفاجئ، ومع الوقت، تصير هالتصرفات عادة تلقائية تحفظ حياة الفريق وتقلل من توقفات المشاريع.
الشركات اللي تستثمر في تدريب عمالها تلاحظ التغيير من بدري:
- عدد الحوادث يقل بشكل واضح.
- الإنتاجية تزيد لأن بيئة العمل تصير أهدأ وأكثر أمانًا.
- سمعة الشركة نفسها تتحسّن، لأن الناس تشوف إن عندها وعي وتحط الإنسان قبل أي شي.
وهذي ماهي مجرد أرقام أو تقارير، هذي نتيجة ثقافة حقيقية تتبناها الشركة وتنعكس في كل زاوية من الموقع.
أخيراً:
كل دقيقة تدريب ممكن تمنع حادث وتُنقذ حياة، يمكن ما نحس بقيمة التدريب على طول، لكن نلاحظها في التفاصيل الصغيرة ي العامل اللي رجع لبيته سالم، في المشروع اللي ما توقف، وفي الفريق اللي يشتغل بثقة لأنه يعرف إن سلامته أولًا، السلامة ماهي مسؤولية شخص واحد هي وعي جماعي، يبدأ من أصغر عامل، وينتهي عند أعلى إدارة، وفي النهاية، الاستثمار في التدريب على السلامة هو استثمار في الناس قبل أي شي ثاني.